Kandidati i koalicionit “Bashkë Fitojmë” për Bashkinë e Elbasanit, Luçiano Boçi, ka deklaruar se SPAK duhet rihapë hetimet në lidhje me inceneratorin e Elbasanit, pasi provat sipas tij janë evidente.
Boçi u shpreh se ndërsa kostoja e pretenduar nga bashkia e Elbasanit për djegien e një kilogrami mbetje është 25 mijë lekë, kostoja reale që paguajnë qytetarët është 52 mijë lekë.
Ndërkohë që sipas tij kostoja e vërtetë për momentin është vetëm 9 mijë lekë, pasi asnjë kilogram mbetje nuk digjen. Inceneratori është i shpallur prej një viti në remont.
Boçi bëri thirrje që zinxhiri qeveritar dhe ai i pushtetit lokal duhet të mbahet përgjegjës në lidhje me ngjarjen.
“Elbasani rrezikon një katastrofë ekologjike ndërsa ky mal me plehra i ka rrëmbyer qytetarëve të Elbasanit 27 milionë euro. Dhe nuk mbaron me kaq. Qytetarët e Elbasanit, grabiten çdo ditë nga Bashkia Elbasan, kryetari i Bashkisë dhe nga ky incenerator
Një investigim i kryer së fundmi nxjerr në pah koston reale që paguajnë për ton
qytetarët e Elbasanit. Kjo kosto është 52 mijë lekë. Ndërkohë Kryetari i Bashkisë dhe Këshilli Bashkiak pretendojnë dhe mashtrojnë opinionin publik me një vendim, sipas të cilit qytetarët e Elbasanit paguajnë 25 mijë lekë. Por a e dini se në fakt kosto reale është vetëm 9 mijë lekë sepse në Incenerator, nuk digjet asnjë kilogram plehra.
Pjesa tjetër e parave përdoret edhe për të blerë votat.
SPAK të rihapë hetimet, ja ku i ka faktet.
Bashkia prej një viti deklaron se inceneratori është në remont, të rinisë hetimi, të vihet para përgjegjësisë zinxhiri qeveritar dhe bashkiak”, tha Boçi.
